قصيدة: انفصام
ليه جيت الدنيا
وانت مش قادر
كل ما اتلكم تهرب مني
وتقولي خاليك صابر
لا مش هصبر
مليت اكابر
عايز انسي الخوف
ليه اغمض عيني
واعيش اعمي مش بشوف
اشوف اللِ جانبي واصل
وابوه ساعده ف حياته
اشوف اللِ جانبي واصل
وفلوسه حققت امنياته
واشوفك تضيعني
وتقول ظروف صعبة
زهقت من تمثيلك
امسح الدمعة
فين العابي و طفولتي
فين مدرستي و شبابي
كنت خايف
ميأثرش دواء اكتائبي
...........
اكتأبك رد فعلك
علي كل شيء
دمر حياتك
بايدك تقوي بذاتك
عافر ويا احلامك
متصنعش الفشل
مفيش ناجح مفشلش
مكسرش مكاديفك
احلامك دي مش ورش
............
كنت فين
وانا في الغربة
في الغربة اتغيرو
مسمومين زي التعابين
كل شيء اتغير
راح المتفائل
بقيت كائيب
بعيد عن حضن امي
وفي البطاقة غريب
................
في الغربة كنت معاك
كنت سندك كنت ضهرك
في اي مكان المشاكل هتجيلك
متخليش ضهرك ضعيف
الخوف يصيبك
لو عشت في كوكب تاني
المكتوب هو نصيبك
...................
عارف نصيبي فين
كانت حياتي اجمل
من سنين
عدت سنين
لقيت البشر خداعه
لقيت البشر بتخون
هحب ايه تاني
والحب بقي متخان
الابتسامه دي زيف
والجرح جوه نزيف
دي مش نهاية العالم
دي بداية حلم مخيف
الربع الاول من يناير
هو ربع ديسمبر الاخير
نفس برود المشاعر
نفس هدود الروح
وانا لسه بتفرج
علي كل الوشوش
وازي بقت الوان
وازي الخيانة فيهم
بقت إدمان
عبدالرحمن علاءالدين
........................
لسه الايام جايه كتير
لازم تتحمل
ضهرك ما يميل
هتقع
تكتر السكاكين
عينك هتقفل من كتر
النكوتين
فوق لنفسك
بص لرب العالمين
ادعي ربك يحميك
من شر الحاسدين
...........................
قهوتي مبقتش سادة هبا
حياتي مسودتش فجاه
مريت بايام صعبة
العن من برد طوبة
شوفت الجحيم قصادي
وبسلم نفسي وعيني
معصوبة
#انفصام
#عبدالرحمن_علاءالدين
#المستحيل_الممكن
