قصيدة: لأمي
انسانه ضحت بحياتها عشان اعيش احلى عيشه
و ياما صلت و سهرت الليالي عشان اكون باحلي حال
مفكرتش في يوم اني ابعد او اسيبها
لأن ما فيش زيها في الخيال
.........
لما بعدت عني قلبي من جسمي اتشال
لازم ارجع تاني لحضنك مهما ليل بعدي طال
لما تديق الدنيا عليا و يقسو عليا ناسي
من غيرك بيقوني انا بشيلك فوق راسي
.........
يشرفني يا امي اكون خادم تحت رجلك
تعرفي لي لاني مهما عشت مش هلقي زي قلبك
ظلمتك في البدايه كتير وانتي بتستحملني
قسيت عليكي ياما بالكلام و لا ف حياتك زعلتني
.........
و لما كبرت انا فهمت و بدعواتك انا قدرت
عرفتني الفرق بين الصح و الغلط وكلامك عندي فرض
بشوفك انسي الرجوله و اجري اعيط جوه حضنك
نعمه من ربي عليا انو خلقني ابنك
.............
من بعدك مفيش غالي انتي اغلي من نفسي
غيابك بيسود نور الشمس و يزود عتمت الليالي
قالولي الناس يعني اي كلمة صبر
قولتهم بعد امي حطو نقطه و من اول السطر
...........
قالولي الناس اي الدنيا كلها
قولتلهم هي امي و مفيش حد غيرها
امي العظيمة امي العظيمة امي العظيمة
هفضل اعيد و اكرر لحد اخر يوم عمري
..........
اول كلمه قولتها في حياتي كانت امي
جو روحي كبرت اصل الكلمه جو دمي
عارف اني مستحل اوصفه في قصيدة
او احكي عن طيبت قلبك او اوصف الحنيه
................
اللي بشوفها في عيونك يا اجمل النساء
يا عظيمه انتي دعائكي اجمل الدعاء
انتي متسكنيش في الأرض
انتي تسكني جوه روحي
ارميلي المرض اشيل عنك
هقبل حتي لو زادت جروحي
..........
يا ما احلي جروحك لم تكون منك يا امي
ارميلي اوجعاك كلها حتي تجري جو دمي
هاتي همومك كلها عشان اشيلها فوق كتافي
عشانك يا حنونه امشي علي الجمر حافي
.......................
لو عاوزه عنيا خديها عشان تشوفي بيها
اساسا الدنيا مش محليها غير وجودك فيها
يا امي انتي جنه انتي السعاده و الحياة
مليش وطن غير حضنك انا بقولها لحد الموت
.................
بجمع كلماتي عشان احكي اللي جوايا
مفيش كلام يوصف الاحساس اللي فيا
انتي فرحتي و جنتي سكنتي جو دمي
حتي الروح اللي فيا هي ملكك يا امي
......
قصيدة: لأُمي
الشاعر: عبدالرحمن علاء الدين
